Sommartid vart opphavleg innført i ei rekkje land i Europa under første verdskrigen. Tanken bak var å utnytte dagslyset betre i den perioden av døgnet ein normalt er vaken. Éin lys time ekstra om kvelden ville mellom anna spare energi til oppvarming og lys.
Norge har hatt sommartid kvart år sidan 1980.
Mange hugsar ikkje om klokka skal stillast fram eller attende ved overgang til og frå sommartid. Ein kan då bruke denne hugseregelen: Ta utgangspunkt i at du ser fram til sommarferien, og at du dermed stiller klokka fram på våren.
Om hausten lengtar du tilbake til sommarferien og stiller dermed klokka tilbake.
(ANB-NTB/FIRDA)